Menu

You are here

ယာဉ်မောင်းကို စမတ်ကျစေတဲ့ ကားနည်းပညာတွေ

ခေတ်ပေါ်ကားနည်းပညာသစ်တွေထဲက မောင်းနှင်သူအတွက် စမတ်ကျစေတဲ့နည်းပညာသစ်(၅) မျိုးကို နာ မည်ကျော်ကား website တစ်ခုဖြစ်တဲ့ carsadvice.com က ဖော်ပြပါအတိုင်း သတ်မှတ်ပေး လိုက်ပါတယ်။
 
အဲဒါတွေကကတော့ ကားမီးခွက်မှအလင်းရောင်အလိုအလျောက်ချိန်ညှိစနစ်နဲ့Daylight စနစ်၊ နောက်ကြည့် မှန်ထောင့်မှာအချက်ပြပေးတဲ့ Blind Spot Alert စနစ်၊ ကားအကွာအဝေး အလိုအလျောက်တိုင်းထွာစနစ်၊ ကားဘရိတ်အလိုအလျောက်လုပ်ဆောင်မှုစနစ်နဲ့ သွားလာမှုဆိုင်ရာ လမ်းကြောင်းပြစနစ်တို့ ဖြစ်ပါတယ်။
 
ကားမီးခွက်နည်းပညာသစ်များ
 
နေ့အလင်းရောင်မှာရော ညအမှောင်ကျနေချိန်တွေမှာပါ ကားမီးစနစ်ကိုအလိုလျောက်လိုအပ်သလို ချိန်ညှိလုပ် ဆောင်ပေးနေတဲ့ Daylight Sensor စနစ်နဲ့ Beam Light Auto နစ်တွေက ကားမောင်းနှင်သူအတွက် မောင်နှင် နေချိန် မီးချိန်ညှိရတာကိုသက်သာစေပါတယ်။
 
မီးအဖွင့်အပိတ်လုပ်ရတာ၊ မလိုအပ်ပဲမီးကြီးပွင့်နေတဲ့ပြဿနာနဲ့ အဝေးပြေး/ခရီးတိုမောင်းနှင်မှုတွေမှာ မီကြီးကို အနီးအဝေးချိန်ညှိရတဲ့ အလုပ်တွေကိုသက်သာစေမှာဖြစ်ပါ တယ်။
 
မမြင်ကွယ်ရာအချက်ပြစနစ်
 
ကားတစ်စီးရဲ့ အနားကပ်လာပေမယ့် မြင်ရခက်ခဲစေတဲ့နေရာကို Blind Spot လို့ ကားလောက အခေါ်ရှိပါတယ်။ အဲသည် Blind Spot နေရာကို ကားရဲ့အာရုံခံစနစ်တွေက ကြိုသိနိုင်ပြီး ယာဉ်မောင်းကို အချက်ပြနိုင်ဖို့အတွက် လည်း ကားထုတ်လုပ်သူတွေက ပုံစံအမျိုးမျိုး စဉ်းစားခဲ့ကြပါတယ်။
 
အခုချိန်မှာတော့ Blind Spot Alert စနစ်ကို ကားရဲ့ရှေ့တံခါးတစ်ဖက်ဆီမှာရှိတဲ့ နောက်ကြည့်မှန်ထောင့်တွေမှာ အချက်ပြမီးတပ်ဆင်ပေးလိုက်ပါတယ်။
 
သည်လိုတပ်ဆင်ပေးလိုက်တာကြောင့် အရင်ကလို Dashboard ဒိုင်ခွက်မှာ အချက်ပြမီးကြည့်ပြီးမှ နောက် ကြည့်မှန်မှပေါ်လာမယ့် Blind Spot ဧရိယာကျော်လာတဲ့ ကားကိုစောင့်ကြည့်ရမှာကို လျော့ကျသက်သာသွား စေပါတယ်။ နောက်ကြည့်မှန်အချက်ပြမှာ Blind Spot အချက်ပြမီးပေါ်လာတာနဲ့ နောက်ကြည့်မှန်ထဲမှာ Blind Spot ဧရိယာကျော်လာမယ့်ကားကို ဆက်ပြီးစောင့်ကြည်နိုင်မှာဖြစ်ပါတယ်။
 
အကွာအဝေးစောင့်ကြည့်စနစ်
 
မြန်နှုန်းထိန်းကြောင်းစနစ်ပြီးတဲ့နောက်ပိုင်းမှာအကွာအဝေးထိန်းကြောင်းစနစ်ဆိုတာကိုပါ ထပ်မံထုတ်လုပ် အသုံးပြုလာခဲ့တာတော့ကြာပြီးဖြစ်ပါတယ်။
 
အကွာအဝေးထိန်းကြောင်းစနစ်ဆိုတာက မြန်နှုန်းမြင့်မှာပဲဖြစ်စေ၊ မြန်နှုန်းနိမ့်မောင်းနှင်ချိန်တွေမှာ ပဲဖြစ်စေ ရှေ့ကမောင်းနှင်နေတဲ့ကားနဲ့သင့်တော်တဲ့အကွာအဝေးတစ်ခုကနေ အလိုအလျောက် ခွာပြီးလိုက်ပါမောင်းနှင်တဲ့ စနစ်တစ်ခုဖြစ်ပါတယ်။ အရှိန်လွန်လို့ရှေ့ကားကို တိုက်မိတာမျိုး တွေကနေ အဓိကကာကွယ်နိုင်တဲ့နည်းပညာတစ်ခုဖြစ်လာပါတယ်။
 
ဘရိတ်စနစ်
 
အလိုအလျောက်ဘရိတ်စနစ်၊ လက်ထောက်ဘရိတ်စနစ်ဆိုတာတွေက (၂၁)ရာစုမှာအသုံးများလာတဲ့ ကား နည်းပညာသစ်တွေဖြစ်ပါတယ်။ အဲဒီလို ဘရိတ်စနစ်တွေအပြင် အာရုံခံစနစ်တွေနဲ့ ကားကွန်ပျူတာ ပေါင်းစပ် လုပ်ဆောင်တဲ့ Autonomous Emergency Braking စနစ်ဆိုတာက မောင်းနှင်သူမသိလိုက်ချိန်မှာပဲ အရေး ပေါ်အခြေအနေတွေကို အလိုအလျောက် ဘရိတ်ဖမ်းပေးတဲ့စနစ်ဖြစ်ပါတယ်။ မောင်းသူမဲ့နည်းပညာရဲ့ အစိတ် အပိုင်းတစ်ခုလည်းဖြစ်ပါတယ်။
 
လမ်းကြောင်းပြစနစ်
 
ဒီစနစ်ကတော့ အရင်တုန်းက Toyota, Audi , Mercedes , Honda တို့လို အလိုအလျောက်စနစ်နဲ့ အာရုံစနစ် ပိုင်းတွေမှာ အထူပြုထုတ်လုပ်နေကြတဲ့ ထုတ်လုပ်သူတွေ ကြိုးပမ်းနေတဲ့ နည်းပညာတွေ
ဖြစ်ပါတယ်။
 
ကားမောင်း နှင်ချိန်၊ ပါကင်ထိုးချိန်၊ စတင်ထွက်ချိန်တွေ အားလုံးမှာ ထင်ရှားပြတ်သား တဲ့မြင်ကွင်းအပြင် မောင်းနှင်မှုအန္တရာယ် ကင်းလမ်းကြောင်းပြစနစ်တွေကိုပါ ပေါင်းစပ်ထုတ်လုပ် လာတဲ့ အတွက် မောင်းနှင်သူအတွက် စမတ်ကျတဲ့နည်း ပညာတစ်ခုအဖြစ်သတ်မှတ်လိုက်ပါတယ်။
 
အောင်ဖြိုးမွန်
 
 

logo